لاہور۔8 اپریل(اے پی پی )وزیراعلیٰ پنجاب سردار عثمان بزدارآکھیے جو پچھلی حکومتاں اچ تھیونڑ آلی لوٹ مار پاروں پاکستان دا بیڑا غرق تھی گئے، 22 کروڑ عوام دے ملک دے خزانے کوں لٹ تے ذاتی تجوریاں بھریاں گئیاں۔ پاکستان دی ترقی اتے خوشحالی سانگے کرپٹ عناصر دا بلاامتیاز احتساب تھیونڑ ضروری ہے۔انہاں آکھیا جو تحریک انصاف دی حکومت شفاف پاکستان دی بنیاد رکھ ڈتی ہے۔ وزیراعظم عمران خان دی قیادت اچ ملک اچ کرپشن اچ گھٹکی اتے شفافیت اچ ودھارا تھئے۔انہاں آکھیا جواساں دعوے اتے نعراں تے یقین نئیں رکھیندے، عوامی خدمت سانگے عملی اقدامات کریندوں۔ عثمان بزدار آکھیا جو تھوڑے عرصے اچ حکومت ہر محاذ تے کامیاب تھئی ہے اتے عوام دی امیداں تے پورا لہونڑ سانگے ڈینھ رات ہک کیتا ہوئے۔
