اسلام آباد ۔ 22 اپریل (اے پی پی) وزیراعظم دے فوکل پرسن پولیو تدارک بابر عطاء آکھیے جو پشاور اچ پولیو ویکسین توں متاثرہ سارے بالاں دی حالت خطرے توں باہر اے ، معاملے دی چنگی طرح تحقیقات کرویسوں ۔پشاور اچ پولیو ویکسین نال بالاں دی حالت خراب تھیونڑ متعلق خبراں دے بعد والدین نال یکجہتی تے ہمدردی دے اظہار کیتے انہاں اپنڑے ٹویٹ اچ آکھیے جو کجھ دیر پہلی میڈی ایچ ایم سی پشاور نال ٹیلی فون تے تفصیلی گال مہاڑ تھئی اے انہاں ڈسائے جو سارے بالاں دی حالت بہتر اے تے توقع اے جو شام تئیں انہاں کوں ڈسچارج کر ڈتا ویسی ۔بابر عطاءمزید آکھیا جو میں والدین کوں یقین ڈوینداں جو پولیو ویکسین دے ہک مخصوص سکول دے بالاں اچ مبینہ ری ایکشن دے واقعے دی تحقیقات کیتیاں ویسن ۔بابر عطاءآکھیے جو پشاور میڈاں اپنڑاں شہر اے جتھاں میں زندگی دے18 سال گزارین ۔اے بال میڈے اپنڑے خاندانی بالاں وانگوں ہن ۔انہاں مزید آکھیا جو اساں معاملے دی چنگی طرح تحقیقات کرویسوں۔
