اسلام آباد ۔ 8 اپریل (اے پی پی) پاکستان اچ زیر کاشت مجموعی رقبہ دے 10 فیصد حصے تے چاول کاشت کیتا ویندے ، چاول دا زیر کاشت رقبہ 2.89 ملین ہیکٹر دے نیڑے ہے۔ چاول دی برآمدات نال سالانہ 2 ارب ڈالر دا زرمبادلہ کمایا ونج سگدے ۔ چاول دی برآمدات مجموعی قومی برآمدات اچ تقریباً8 فیصد دی حصہ دار اے۔ اقتصادی جائزہ رپورٹ 2017-18ءدے مطابق چاول دی پیداواراچ 8 فیصد دا ودھارا تھئے تے برآمدات 6.84 ملین ٹن دے مقابلے اچ 7.44 ملین ٹن تئیں ودھ گن ۔ گزریل مالی سال دے دوران چاول دے زیر کاشت رقبے تے پیداوار اچ ودھارے نال چاول دی قومی برآمدات اچ 28 فیصد دا ودھارا ریکارڈ کیتا گے ۔ اقتصادی تجزیہ کاراں آکھیے جو پاکستانی چاول اپنڑے ذائقے اتے معیار دی وجہ توں پوری دنیا اچ پسند کیتا ویندے ایں کیتے ضرورت ایں امر دی اے جو پاکستانی چاول اپنڑی برانڈز متعارف کرائی ونجے تاں جو چاول پیدا کرنڑ آلے بئے ملکاں دا عالمی منڈیاں تئیں بہتری نال مقابلہ کیتا ونج سگدے ۔
