اسلام آباد ۔ یکم اپریل (اے پی پی) چیئرمین سینیٹ محمد صادق سنجرانی وزیراعلیٰ پنجاب عثمان بزدار دے والد سردارفتح محمد بزدار دے انتقال تے ودھ سارے ڈکھ تے افسوس دا اظہار کیتے ،سنوار کوں تعزیتی پیغام اچ چیئرمین سینیٹ محمد صادق سنجرانی آکھیے جو مرحوم دی ملک کیتے سیاسی تے سماجی خدمات قابل تحسین ہن ،انہاں آکھیے جو مرحوم سردار فتح محمد بزدار دے انتقال نال ملک ہک اہم سیاسی رہنما توں محروم تھی گے ۔ چیئرمین سینیٹ وزیر اعلی پنجاب اتے مرحوم دے بئے اہل خانہ نال اظہار تعزیت کریندے ہوئیں اللہ تعالیٰ توں دعا منگی جو مرحوم کوں اپنڑی جوار رحمت اچ جاہ ڈیوے تے ڈکھی خاندان کوں اے ڈکھ برداشت کرنڑ دا حوصلہ ڈیوے۔۔ ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر شبلی فراز، قائد حزب اختلاف سینیٹ سینیٹر راجہ محمد ظفرالحق وی فتح محمد بزدار دے انتقال تے ودھ سارے ڈکھ تے افسوس دااظہار کریندے ہوئیں ڈکھی خاندان نال تعزیت کیتی اے ۔انہاں اللہ تعالیٰ توں مرحوم دے درجات دی بلندی دی دعا وی کیتی۔
