اسلام آباد ۔ 19 اپریل (اے پی پی) قومی احتساب بیورو (نیب) دے چیئرمین جسٹس جاوید اقبال آکھیے جو نیب کرپٹ لوکاں، مفروراں اتے اشتہاری مجرماں کوں قنون دی کچہری اچ گھن آونرسانگے ”احتساب سبھ سانگے“ پالیسی تے عمل پیرا ہے۔ ایہ گالھ انہاں نیب ہیڈکوارٹرز اچ نیب دی کارکردگی دے جائزہ توں متعلق اجلاس دی صدارت کریندے ہوئیں آکھی۔ انہاں آکھیا جو نیب پیشہ واریت، شفافیت اتے میرٹ تے عمل کریندے ہوئیں کرپشن مکاونڑ سانگے پرعزم ہے۔ انہاں آکھیا جو کرپشن ساریاں برائیاں دی جڑ ہے ،جیرھی جو ملکی ترقی تے خوشحالی دی راہ اچ سبھ توں وڈی رکاوٹ ہے، انہاں آکھیا جو حقیقت مطابق کرپشن مکاونڑ سانگے پاکستان دا اعلیٰ ترین ادارہ قومی احتساب بیورو بنڑایا گیا ،جینکوںملک وچوں کرپشن مکاونڑ اتے کرپٹ لوکیں توں لوٹی ہوئی رقم برآمد کرتے قومی خزانہ اچ جمع کراونڑ دی ذمہ داری ڈتی گئی۔ انہاں آکھیا جو نیب بنڑن توں ہنڑ تئیں 303 ارب روپے قومی خزانہ اچ جمع کرائے ہن، جیرھی جو وڈی کامیابی ہے۔
