اسلام آباد ۔ 15 اپریل (اے پی پی) قومی احتساب بیورو (نیب) دے چیئرمین جسٹس (ر) جاوید اقبال سنوار کوں لہور بیورو دا دورہ کیت،جتھاں ڈائریکٹر جنرل نیب لہور ولوں انہاں کوں میگا کرپشن مقدمات خاص کر شریف فیملی توں متعلق کیسز اچ آمدن توں ودھ اثاثیاں اتے مبینہ منی لانڈرنگ دے کیسز تے جامع بریفنگ ڈتی گئی ۔ چیئرمین نیب ولوں فیصلہ کیتا گئے جو شریف فیملی دے سارے کیسز دی براہ راست نگرانی اوہ خود کریسن۔انہاں نصرت شہباز، رابعہ عمران اتے جویریہ علی کوں نیب لہور ولوں بھجوائے گئے طلبی دے نوٹسز کینسل کرنڑ اتے ا انہاں کوں متلعقہ کیس دے حوالے نال نیب کوں مطلوب معلومات سانگے سوالنامہ ارسال کرنڑ دا حکم ڈتا۔ ایں موقع تے چیئرمین نیب دا آکھنڑ ہا جونیب ”احتساب سبھ سانگے“ دی پالیسی تے سختی نال عمل کریندا پئے ،جڈاںجو نیب دی کہیں سیاسی پارٹی نال کوئی وابستگی کائنی۔ انہاں آکھیا جونیب ہک خودمختار ادارہ ہے اتے کہیں دے پریشر بغیر قنون تے آئین پاکستان مطابق اقدامات کریندے۔انہاں آکھیا جو نیب دی نظر اچ سانگے ملزم برابر ہن،تاںجو سارے میگا کرپشن مقدمات کوں میرٹ اتے صرف میرٹ دی بنیاد تے وختی حل کیتا ویسی ۔ انہاں آکھیا جو نیب دی وابستگی صرف اتے صرف ریاست پاکستان نال ہے۔
