اسلام آباد ۔ 22 اپریل (اے پی پی) نیب دے چیئرمین جسٹس (ر) جاوید اقبال دی صدارت اچ سنوار کوں نیب ہیڈ کوارٹرز اچ ہک اجلاس تھیا۔ جیند ے اچ نیب دے آپریشن ڈویژن اتے پراسیکیوشن ڈویژن دی کارکردگی خاص کر کرپشن مقدمیاں تے ہنڑ تئیں دی پیش رفت دا جائزہ گھدا گےا ۔ایں موقع تے چیئرمین نیب اجلاس توں خطاب کریندے ہوئیں آکھیا جونیب میگا کرپشن مقدمات کو ں انجام تئیں پجاونڑ سانگے چنگیاں کوششاں کیتیاں ہن، 179 میگا کرپشن مقدمیاں وچوں 105 دے ریفرنس متعلقہ احتساب عدالتاں اچ جمع کروا ڈتے گن، ایں ویلھا 15 مقدمے انکوائرےاں اتے 18 مقدمے انوسٹی گیشن دے مراحل توں گزر دے پن، 41 مقدے قنون مطابق نبیڑ ڈتے گن۔ اجلاس اچ نیب دے آپریشن ڈویژن اتے پراسیکیوشن ڈویژن دی کارکردگی خاص کر کرپشن مقدمیاں تے ہنڑ تئیں دی پیش رفت دا جائزہ گھدا گےا۔ انہاں آکھیا جو 2019ءاچ 2018ءدے مقابلے اچ ڈوگنا شکایتاں ودھ ملیاں ہن ۔انہاں آکھیا جوگزریل سال دے اعداد و شمار توں پتہ لگدے جو نیب افسراں کرپشن مکاونڑ کوں قومی فرض سمجھ تے ادا کریندے پن۔ انہاں آکھیا جو نیب ولوں ملک وچوں کرپشن مکاونڑ اتے کرپٹ لوکیں دے خلاف بلا تفریق اتے قنون مطابق اقدامات دے چنگے نتیجے ملدے پن۔ جینداواضح ثبوت گیلانی اینڈ گیلپ سروے مطابق 59 فیصد لوکیں دا نیب تے اعتماد دا اظہار ہے۔
