ڈاکٹر ظفر مرزا وزارت نیشنل ہیلتھ سروسز دا بطور وزیر مملکت چارج سنبھال گھدا

اسلام آباد ۔ 23 اپریل (اے پی پی) ڈاکٹر ظفر مرزا وزارت نیشنل ہیلتھ سروسز ریگولیشن اینڈ کوآرڈینیشن داچارج سنبھال گھدے انہاں دا عہدہ وزیر مملکت دا ہوسی ۔ وزارت صحت دے ترجمان دے مطابق وزیر مملکت نیشنل ہیلتھ سروسز ریگولیشن اینڈ کوآرڈینیشن ڈاکٹر ظفر مرزا وزارت ہیلتھ دا دورہ کیتا تے وزارت دے سینئر افسراں انہاں دا استقبال کیتا ۔ ایں موقع تے ڈاکٹر ظفر مرزا آکھیا جو وزیراعظم عمران خان دے وژن دے مطابق صحت دا شعبہ انہاں دی پہلی ترجیح اے ۔انہاں آکھیا عمران خان دے وژن دے مطابق صحت دے شعبے اچ اصلاحات تے تکھے عمل کیتا ویسی۔وزارت اچ کاکردگی کیتے میرٹ تے شفافیت رہنما اصول ہوسن ۔ وزیر مملکت ڈاکٹر ظفر مرزا آکھیا جو وزیراعظم عمران خان دی قیادت اچ اہم ذمے واری کوں نبھاونر کیتے پھرپور کوشش کیتی ویسی ۔