ڈپٹی سپیکر قومی اسمبلی قاسم خان سوری دی خیبر پختو نخوا یوتھ اسمبلی دے وفد نال گالھ مہاڑ

اسلام آباد ۔ 4 اپریل (اے پی پی) ڈپٹی سپیکر قومی اسمبلی قاسم خان سوری آکھیے جو نینگر قوم دا حقیقی سرمایہ ہن اتے نینگراں کوں قوم دی توقعات تے پورا لہونڑ سانگے چنگی محنت اتے لگن نال جدوجہد کرنڑ پوسی ۔ خمیس کوں انہاں خیبر پختو نخوا یوتھ اسمبلی دے وفد نال پارلیمنٹ ہاوس اچ ملاقات کیتی۔ ایں موقع تے گالھ مہاڑ کریندے ہوئیں انہاں آکھیا جو ایں ویلھا ملک دے اندر اتے باہر چیلنجز دا سامنڑاں ہے ،انہاں تے قابو پاونڑ سانگے،اساں ساریاں کوں رل مل تے کم کرنڑ پوسی ۔ انہاں آکھیا جو یوتھ اسمبلی بنڑاونڑ دا مقصد صوبے دے نینگراں کوں درپیش مسئلیاں دا حل کڈھنڑ اتے انہاں دی تربیت کرنڑ ہے جو اوہ اپنڑیں سنجھانڑ بنڑا سگن اتے اپنڑاں رستہ خود لبھ سگن۔ وفد اچ خیبر پختو نخواہ یو تھ اسمبلی دے نمائندے شریک ہن۔