کابینہ دی توانائی کمیٹی دا رمضان شریف اچ سحری تے افطار ی ٹائم بجلی دی لوڈشیڈنگ نہ کرنڑ دا فیصلہ

APP42-06 ISLAMABAD: February 06 - Federal Minister for Finance, Asad Umar chairing a meeting of the Cabinet Committee on Energy at the Cabinet Division. APP

اسلام آباد ۔ 18 اپریل (اے پی پی) کابینہ دی توانائی کمیٹی دا رمضان شریف اچ سحری تے افطار ی ٹائم بجلی دی لوڈشیڈنگ نہ کرنڑ دا فیصلہ‘ وزارت پاور ڈویژن کوں سحر ی تے افطار ی ویلھا بلاتعطل بجلی دی فراہمی یقینی بناونڑ سانگے اقدامات دی ہدایت، کمیٹی دا 3 لکھ 50 ہزار میٹرک فرنس آئل درآمد کرنڑ دی منظوری دامعاملہ وفاقی کابینہ سامنڑے پیش کرنڑ دا وی فیصلہ کیتے۔ کابینہ دی توانائی کمیٹی دا اجلاس خمیس کوں وزیر خزانہ اسد عمر دی صدارت اچ تھیا۔ کمیٹی فیصلہ کیتا رمضان شریف اچ سحری تے افطار ی ٹائم بجلی دی لوڈشیڈنگ نہ کرنڑ دا فیصلہ کیتے۔ کمیٹی دیہاتی علاقیاں اچ لوڈ شیڈنگ دے طویل دورانیہ توں متعلق شکایتاں تے تشویش دا اظہار کیتے اتے پاور ڈویژن کوں شہری اتے دیہاتی علاقیاں اچ لوڈ مینجمنٹ دے حوالے نال ہکو جئی پالیسی اختیار کرنڑ اتے ایں بارے کہیں قسم دی تفریق نہ کرنڑ دی ہدایت کیتی۔ اجلاس دوران پاور ڈویژن نیپرا ولوں ترائے مہینے دی بنیادیں تے بنڑائی گئی انٹرنل آڈٹ رپورٹ پیش کیتی۔کمیٹی اجلاس اچ 3 لکھ 50 ہزار میٹرک فرنس آئل درآمد کرنڑ دی منظوری دامعاملہ وفاقی کابینہ سامنڑے پیش کرنڑ دا فیصلہ کیتا گیا۔