کپتان دا نواں کھیڈاری؛ ریٹائرڈ بریگیڈیئر اعجاز شاہ ملک دے نویں وزیر داخلہ مقرر

اسلام آباد۔ 18 اپریل (اے پی پی)وزیراعظم عمران خان بریگیڈیئر اعجاز شاہ توں وفاقی وزیر برائے پارلیمارنی اموردا قلمدان ولا گھن تے ملک دا وزیر داخلہ بنڑا ڈتے۔اے قلمدان پہلے وزیراعظم عمران خان اپنڑے کولوں رکھیا ہویا ہا۔وزارت پارلیمانی امور دا قلمدان اعظم سواتی سنبھال گھدے۔ایں توں پہلے جنرل (ر) پرویز مشرف دے دور حکومت اچ اعجاز شاہ انٹیلی جنس بیورو دے ڈائریکٹر جنرل ہن،اتے او پنجاب دے وزیر داخلہ وی رہین اتے انہاں تے الزام ہا جو او پاکستان مسلم لیگ (ق) اتے پاکستان پیپلز پارٹی (محب وطن)بنڑاونڑ اچ اگو رہین۔سابق صدر پرویز مشرف بریگیڈیئر (ر) اعجاز شاہ کوں آسٹریلیا اچ ہائی کمشنر تعینات کیتا ہا بھل کینبیرانہاں دی نامزدگی مسترد کریندے ہوئیں حکومت توں فیصلہ ولا گھنڑ کیتے زور ڈتا ہااتے او ہائی کمشنر نہ بنڑ سگیے۔یاد راہوے جو پیپلزپارٹی اعجاز شاہ کوں وزیر پارلیمانی امور بنڑاونڑ تے ودھ تحفظات دا اظہار کتیا ہا۔