اسلام آباد ۔ 2 اپریل (اے پی پی) چیئرمین سینیٹ محمد صادق سنجرانی منگل کوں وفاقی محتسب سید طاہر شہباز نال ملاقات کیتی، جنہاں صادق سنجرانی کوںسالانہ رپورٹ پیش کیتی۔ چیئرمین سینیٹ ایں موقع تے آکھیا جو جوملک یا معاشرے دی ترقی دا انحصار جتھاں باقی عوامل تے ہوندے اتھاں سستا تے وختی انصاف ڈیونڑ وی بہوں اہم ہوندے، وختی انصاف نال سماجی تے اقتصادی ترقی دے خواب کوں شرمندہ تعبیر کیتا ونج جا سگدے۔انہاں آکھیا جو عام بندہ مسئلیاں دا وختی حل چاہندے ،جیندے کیتے جس ریاستی ادارے اتے حکومت کوں چنگا اقدامات کرنڑ ہوندن۔ وختی انصاف ڈیونڑ دے اقدامات نال ملک دے غریب طبقہ اتے علاقیاں کوں ترقی دے مرکزی دھارے اچ لاتا ونج جا سگدے ۔
