اسلام آباد ۔ 24 مئی (اے پی پی) بین الاقوامی مالیاتی فنڈ(آئی ایم ایف) پاکستان کوں 6 ارب ڈالر دے3 سالہ توسیعی فنڈدی سہولت بارے معاہدے دی تصدیق کریندے ہوئے آکھیے جوپاکستان نال پروگرام دا مقصد عمومی مالیات اچ بہتری،قرج گھٹاونڑ،پائیداروجامع ودھوتری ڈیونڑ اچ مدد ڈیسی۔بین الاقوامی مالیاتی فنڈ دے ڈائریکٹرابلاغ عامہ ڈیپارٹمنٹ جیری رائس آن لائن پریس بریفنگ آکھیے جو امید اے کہ ایں پروگرام نال سماجی تحفظ ،بنیادی ڈھانچہ اتے انسانی وسائل دی ترقی تے اخراجات کیتے گنجائش بنڑسی،پاکستان اتے آئی ایم ایف دا 6 ارب ڈالردے ترائے سالہ توسیعی فنڈ فسیلٹی دا معاہدہ تھی چکیے تاں جو پاکستان اچ اصلاحات دیاں کوششاں کوں مضبوطی ملے۔انہان آکھیے جو معاہدے تے اتفاق 12 مئی کون تھئے۔ایں توں پہلے آئی ایم ایف دی منیجنگ ڈائریکٹر کرسٹینا لاگارڈے وی وزیراعظم عمران خان نال ملیاں ہن۔