وزیراعظم عمران خان دی جاپانی سفیر کونی نوری ماتسودا نال گالھ مہاڑ

اسلام آباد ۔ 16 مئی (اے پی پی) وزیراعظم عمران خان نال خمیس کوں جاپانی سفیر کونی نوری ماتسودا ملاقات کیتی۔ایں دوران گالھ مہاڑکریندے ہوئیں وزیراعظم عمران خان آکھیے جو انہاں دی حکومت پاکستان اچ معیشت دے سارے شعبیں اچ جاپانی سرمایہ کاری دا خیر مقدم کریسی،حکومت سرمایہ کاری دوست پالیسیاں اتے عوامی توجہ رکھنڑ آلی حکمت عملی دی مدد نال موجودہ اقتصادی چیلنجز تے قابو پاونڑ سانگے پرعزم ہے۔ جاپانی سفیر پاکستان اتے جاپان وچال ڈوطرفہ تعاون دے شعبیں تے گالھ مہاڑ کیتی۔وزیراعظم عمران خان سرمایہ کاری، انسانی وسائل دی ترقی، انفارمیشن ٹیکنالوجی، ٹورازم اتے زراعت دے شعبیں اچ اچ ہک بئے کوں تعاون کرنڑ دی گالھ تے زور ڈتا۔ وزیراعظم دا آکھنڑ ہا جو پاکستان معیشت دے سارے شعبیں اچ جاپانی سرمایہ کاری دا خیر مقدم کریسی۔ ملاقات اچ ڈوہائیں پاسوںپاکستان اتے جاپان وچال تعلقات دے ودھارے تے اطمینان دا اظہار کیتا گیا۔ جاپانی سفیر پاکستان دے نال سانجھا تعلقات اچ ودھارے سانگے اپنڑیں حکومت ولوں حمایت دا یقین ڈیوایا۔