چیئرمین سینیٹ دی متحدہ عرب امارات دے سفیر حماد عبید ابراہیم صالم الاصابی نال ملاقات

اسلام آباد ۔ 21 مئی (اے پی پی) چیئرمین سینیٹ محمد صادق سنجرانی آکھیے جو پاکستان اتے متحدہ عرب امارات وچال اقتصادی تعاون دے ودھارے دی استعداد موجود اے،ڈوہیں ملک خطے دی ترقی تے خوشحالی کیتے موجودہ وسائل کوں موثر استعمال اچ گھن آتے بہتری لاتی ونج سگدی اے ۔اے گال انہاں متحدہ عرب امارات دے سفیر حماد عبید ابراہیم صالم الاصابی نال پارلیمنٹ ہاوس اچ ملاقات دے دوران گال مہاڑ کریندے ہوئیں آکھی اے ۔ ملاقات دے دوران سانجھے دلچسپی و بین الاقوامی سیاسی امور تے تفصیلی گال مہاڑ کیتی گئی ۔ متحدہ عرب امارات دے سفیر عرب امارات دی فیڈرل نیشنل کونسل دے سپیکر ولوں چیئرمین سینیٹ کوں عرب امارات دا دورہ کرنڑدی دعوت ڈتی ۔ چیئرمین سینیٹ آکھیا جو ڈوہیں ملکاں وچال تاریخی تے ثقافتی اقدار سانجھے ہن۔ انہاں آکھیے جو پاکستانیاں دی بہوں وڈی تعداد متحدہ عرب امارات دی ترقی تے خوشحالی اچ اپنڑاں کردار ادا کریندی پئی اے ۔