آئی سی سی ورلڈ کپ 2019ءدا وارم اپ مرحلہ 24 مئی توں شروع تھیسی، گرین شرٹس ڈو وارم اپ میچ کھیڈسی، پہلا میچ 24 مئی کو ں افغانستان دے خلاف، ڈوجھا میچ 26 مئی کوں بنگلہ دیش دے خلاف کھیڈسی، وارم اپ مرحلہ 28 مئی کوں مکسی ، روزانہ ڈو میچ کھیڈے ویسن

لندن ۔ 21 مئی (اے پی پی) آئی سی سی ورلڈ کپ 2019ئ، وارم اپ میچاں دا سلسلہ 24 مئی توں شروع تھیسی۔ تفصیل مطابق آئی سی سی ورلڈ کپ 2019ءدے وارم اپ میچاں دا مرحلہ 24 مئی توں شروع تھیسی اتے5 ڈینھ جاری رہونڑ دے بعد 28 مئی کوں مکسی،ایندے بعد ورلڈ کپ 2019ء30 مئی توں باقاعدہ شروع تھیسی ۔ 24 توں 28 مئی تئیں وارم اپ مرحلے اچ ہر روز ڈو، ڈو میچ کھیڈے ویسن ۔ 24 مئی کوں پہلا وارم اپ میچ پاکستان اتے افغانستان وچال برسٹل اچ کھیڈیاویسی ،ایں ڈینھ ڈوجھا وارم اپ میچ سری لنکا اتے جنوبی افریقہ وچال کارڈف اچ کھیڈیا ویسی۔ 25 مئی کوں وارم اپ میچ میزبان انگلینڈ اتے آسٹریلیا وچال ساﺅتھمپٹن اچ کھیڈیا ویسی جڈاں جو ایں ڈینھ دا ڈوجھا وارم اپ میچ بھارت اتے نیوزی لینڈ وچال لندن اچ کھیڈیا ویسی ۔ 26 مئی کوں بنگلہ دیش اتے پاکستان وچال وارم اپ میچ کارڈف اچ کھیڈیا ویسی ۔ ایں ڈینھ بیا میچ جنوبی افریقہ اور ویسٹ انڈیز وچال برسٹل اچ تھیسی۔ 27 مئی کوں پہلے وارم اپ میچ اچ آسٹریلیا اتے سری لنکا دیاں ٹیماں جڈاں جو ڈوجھا وارم اپ میچ اچ انگلینڈ اتے افغانستان دیاں ٹیماں وچال میچ تھیسی۔ وارم اپ مرحلے دے چھیکڑی ڈینھ 28 مئی کو ںپہلے میچ اچ بنگلہ دیش دامقابلہ بھارت نال تھیسی،جڈاں جو ایں ڈینھ دا ڈوجھا اتے وارم اپ مرحلے دا چھیکڑی میچ نیوزی لینڈ اتے ویسٹ انڈیز وچال برسٹل اچ کھیڈیا ویسی ۔ واضح رہوے جو وارم اپ مرحلے مکنڑ دے بعد آئی سی سی ورلڈ کپ 2019ءدا باقائدہ آغاز 30 مئی توں تھیسی ۔ورلڈ کپ دا پہلا میچ میزبان انگلینڈ اتے جنوبی افریقہ وچال اوول اچ کھیڈیا ویسی ۔