لاہور۔17 مئی(اے پی پی ) آئی سی سی 30مئی توں انگلینڈ اچ شروع تھیونڑ آلے کرکٹ ورلڈ کپ سانگے مجموعی طور تے 10 ملین ڈالر انعامی رقم دااعلان کر ڈتے۔ایہ ورلڈ کپ دی تریخ دی سبھ توں وڈی انعامی رقم ہوسی ۔جیتنڑ آلی ٹیم کوں چار ملین( 40لکھ) اتے رنر اپ ٹیم کوں ڈو ملین ڈالر ( 20 لکھ ڈالرز ) ملسن۔ آئی سی سی مطابق ورلڈ کپ سیمی فائنل ہارن آلیاں ٹیماں کوں 8، 8 لکھ ڈالرز جداں جو لیگ میچ جیتنڑ آلیاں ٹیماں کوں 40، 40 ہزار ڈالرز ملسن۔ 2015 دے ورلڈکپ فارمیٹ مطابق ٹورنامنٹ جیتنڑ آلی ٹیم کوں ودھ توں ودھ 40 لکھ 20 ہزار ڈالرز انعامی رقم جیت سگدی ہائی۔ ایں طرح موجودہ ورلڈکپ 2019جیتنڑ آلی ٹیم کوں 2015 دے مقابلے اچ ڈھائی لکھ ڈالرودھ رقم ملسی۔ ساریاں ٹیماں ورلڈ کپ سانگے چنگی تیاری کرتے انگلینڈ پجیاں ہن اتے ہر ٹیم دی کوشش ہوسی جوورلڈ کپ دی ٹرافی جیت تے اپنڑے ملک گھن ونجنڑ۔
