لاہور ۔ 15مئی (اے پی پی) محکمہ موسمیات آندے چار ڈینھ دے دوران ملک دیاں مختلف جہیں لاہور، راولپنڈی، گوجرانوالہ، سرگودھا، فیصل آباد، ساہیوال، ملتان، ڈی جی خان، بہاولپور،خیبرپختونخوا دے مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن، اسلام آباد، بلوچستان دے کوئٹہ، ژوب، قلات، مکران، سبی، نصیرآباد ڈویژن، سندھ دے سکھر، لاڑکانہ، شہیدبینطیرآباد ، گلگت بلتستان اتے کشمیر اچ کہیں کہیں جاہ تے اندھاری تے کھمنڑ نال مینھ وسنڑ دی پیش گوئی کیتی گئی اے ۔ محکمہ موسمیات دے مطابق آندے 24گھنٹے اچ مکران، قلات، ژوب اتے ڈی جی خان ڈویژن اچ کجھ جہیں تے ودھ سارا مینھ وسنڑدا امکان اے ۔خمیس توں جمعے تئیں سندھ، مکران دے ساحلی علاقیں اتے کراچی اچ جھڑ رہنڑ دا امکان اے ،اندھاری تے کھمنڑ دے نال ہلکا مینھ وسنڑ داوی امکان اے۔ایںدوران ملک دیاں مختلف جہیں تے ڈینھ دا درجہ حرارت معمول توں 4 توں 6فیصد گھٹ تھیونڑ دی پیش گوئی کیتی گئی اے ۔گزریل ڈینھ ریکارڈ کیتے گے درجہ حرارت دی رپورٹ دے مطابق دادو47، شہید بینظرآباد46، پڈعیدن اتے موہنجوداڑو44 ڈگری سینٹی گریڈ ریکارڈ کیتا گے ، جڈاں جو لاہور ، فیصل آباد ،ملتان اتے سرگودھا اچ 36 ، اسلام آباد34، کراچی اتے پشاور35 اتے کوئٹہ اچ31 سینٹی گریڈ ریکارڈ کیتا گیا ۔
