اسلام آباد ۔ 30مئی(اے پی پی) اجوکے سال صدقہ فطر دی گھٹ توں گھٹ شرح 100روپے مقرر کیتی گئی اے۔مرکزی رویت ہلال کمیٹی دے چیئرمین مفتی اعظم پاکستان مفتی منیب الرحمن ولوں جاری تفصیلات دے مطابق اجوکے سال جیرھے لوک کنڑنک دے اٹے دی قیمت دے برابر صدقہ فطر ادا کرنڑ چاہندن انہاں کیتے صدقہ فطر دی فی کس شرح 100روپے، ایں طرح ”جو “دی قیمت دے حساب نال صدقہ فطر 400 روپے، چار کلو پنڈوں دی قیمت دے حساب نال 1600روپے فی کس ، چار کلو کشمش دی قیمت دے برابر 1920 روپے فی کس ، چار کلو پنیر دی قیمت دے حساب نال 2940 فی کس صدقہ فطر دی رقم ادا کیتی ونج سگدی اے ۔ ایں طرح فدیہ سوئم دی 30 ڈینھاں کیتے کنڑنک دے اٹے دی قیمت دے لحاظ نال شرح 3000 ہزار روپے، کفارہ سوئم 60 مساکین کیتے 6000 روپے تے کفارہ قسم ہک ہزار روپے مقرر کیتی گئی اے۔ صاحب استطاعت حضرات صدقہ فطر، فدیہ سوئم، کفارہ سوئم اتے کفارہ قسم ڈو کلو گرام کنڑنک، چار کلو جو،چار کلو پنڈوں، چار کلو کشمش یا چار کلو پنیر دیاں قیمتاں دے حساب نال ادا کرسگدن ۔
