اقوام متحدہ۔ 21 مئی (اے پی پی) پاکستان اقوام متحدہ دے امن برقرار رکھنڑآلے مشن کوں مالی طور تے مضبوط رکھنڑدی ضرورت تے زور ڈتے تاں جو 31رکنی بین الحکومتی ادارہ جنگ زدہ ملکاں دی تعمیر نو دیاں ضرورتاں کوں پورا کر سگے۔اقوام متحدہ اچ پاکستان دی سفیر ملیحہ لودھی مشن دیاں سرگرمیاں دے جائزہ اجلاس دے دوران جنرل اسمبلی کوں ڈسایا جو اقوام متحدہ دے امن کوں برقرار رکھنڑ آلے مشن سالہا سال توں امن کوششاں کیتے نمایاں کردار ادا کیتے ۔انہاں آکھیے جو پاکستان جاپان اتے ناروے دے رلے قیام امن دے فنڈز کیتے موجودہ مالیاتی نظام اچ ودھارے کیتے جدت آمیز فنانسنگ دی حمایت کر یندا پئے ۔ انہاں آکھیا جومشن برونڈی ، وسطی افریقن ریپبلک ، گنیا، گنی بساوءلائبیریا اتے سیرا لون سمیت بہوں سارے ملکاں دیاں امن کوششاں اچ تعاون کریندا پئے ۔ ملیحہ لودھی آکھیے جو اقوام متحدہ دے امن برقرار رکھنڑآلے مشن دے بانی رکن اتے یو این پیس کیپنگ اچ ساریں توں زیادہ فوجی بھیجنڑ دی حیثیت نال پاکستان امن مشن دے حاصل کیتے گے فائدے کوں برقرار رکھنڑ دے سلسلے اچ امن دی اہمیت دی مکمل حمایت کریندے ۔
