اسلام آباد ۔ 23 مئی (اے پی پی) صدر مملکت ڈاکٹر عارف علوی آکھیا جو انسانی وسائل دی ترقی اتے ملک دی اقتصادی نمو اچ جامعات دا بہوں اہم کردار اے،انہاں کوں تدریس دے نال نال طالب علماں دی کردار سازی تے وی توجہ ڈیونڑی چاہیدی اے،ٹیکنالوجی دی ترقی دے تقاضیاں نال عہدہ براہ تھیونڑ سانگے تعلیمی اداریاں توں اچھوتے تصورات اتے اقدامات چاہیدن۔انہاں اے گالھ انٹرنیشنل اسلامی یونیورسٹی دے ریکٹر پروفیسر ڈاکٹر معصوم یاسین زئی نال گالھ مہاڑکریندیں ہوئیں آکھی جنہاں خمیس کوں ایوان صدر اچ انہاں کوں پریزینٹیشن ڈتی۔صدرماہرین تعلیم کوں ہرممکن تعاون کرنڑ دا یقین ڈوایا۔
