اپوزیشن دے چور کٹھے تھی تے تحریک چلاونڑ داشوق پورا کر گھنن،انہاں دے ہتھی کجھ وی نہ آسی، شیخ رشید

لاہور۔18 مئی(اے پی پی )وفاقی وزیر ریلوے شیخ رشید احمدآکھیے جو اپوزیشن دے سارے چور کٹھے تھیندے پین، اے حکومت دے خلاف تحریک چلاونر دا شوق وی پورا کر گھنن بھل انہاں دے ہتھیں کجھ وی نئیں لگنڑا۔اے گال انہاں لاہور اچ ریلوے ہیڈ کورٹر اچ ہک پریس کانفرنس کریندے آکھی۔ انہاں آکھیا وزیر اعظم عمران خان انہاں چوراں کوں کوئی این ا ٓر او نہ ڈیسن،میں پہلے وی آکھیا ہا جو شہباز شریف این آر اوگھندے پین اتے ہنڑ آصف علی زرداری وی این ا ٓر او دے چکر اچ ہین،جیکر عمران خان انہاں نال این آر او کرگھنن تاں ہک گھنٹے دے اندروساری اپوزیشن مک ویسی،عمران خان کولوڈو ہی رستے ہن جو یا تاں ملک کوں ڈیفالٹ تھیونڑ ڈیندے اتے چوراں کوں چھوڑ ڈیندے بھل انہاں دلیری نال اوکھ دا سامنڑا کیتے اتے ودھدے مہانگ کوں منیے جیہڑا گذریل حکومتاں دا تحفہ اے۔انہاں حیرت کیتی جو حمزہ شہباز کوں کیویں گھر بیٹھے ضمانت مل ویندی اے،عمران خان فرنٹ فٹ تے کھیڈدا پئے،اونواز، زرداری اتے حمزہ دی بھل صفائی کریندے پین۔