اسلام آباد ۔ 24 مئی (اے پی پی) ایران دے وزیر خارجہ جواد ظریف اپنڑے وفد دے رلے وزارت خارجہ پجے جتھاں وزیر خارجہ مخدوم شاہ محمود قریشی انہاں دا خیر مقدم کیتا۔جمعے کوں وزارت خارجہ توں جاری بیان دے مطابق وزارت خارجہ اچ پاکستان تے ایران وچال وفد دی سطح تے مذاکرات تھن۔پاکستانی وفد دی قیادت شاہ محمود قریشی جڈاں جو ایرانی وفد دی قیادت جواد ظریف کیتی ۔وفد دی سطح تے تھیونڑ آلے مذاکرات اچ پاک ایران تعلقات، علاقائی سلامتی سمیت بئے سانجھی دلچسپی دے معاملات تے گال مہاڑ کیتی گئی ۔بعد اچ ایرانی وزیر خارجہ پاکستان دی اعلٰی سیاسی تے عسکری قیادت نال وی ملاقاتاں کیتیاں ۔واضح رہے جو منصب سنبھالنڑ دے بعد ایرانی وزیر خارجہ دااے تریجھا دورہ پاکستان اے ۔
