اسلام آباد ۔ 27 مئی (اے پی پی) چئیرمین ایف بی آر سید شبر زیدی دی ہدایات تے فیصلہ کیتا گئے جو کسٹم ہاوس اچ صرف متعلقہ تجارتی نمائندے اتے تجارتی ممبراں کوں داخلے دی اجازت ڈتی ونجے۔ ایںسلسلے اچ ہدایات سارے فیلڈ فارمیشنز کوں وی جاری کیتیاں ویندیاں پن جوا وہ غیر متعلقہ بندیاں دے داخلے کوں روکنڑ۔ اسسٹنٹ کلیکٹرز اتے ڈپٹی کلیکٹرز کوں ڈوجھے ریویو سانگے کیتی گئی درخواستاں سانگے ملاقات دے ٹائم گھٹ کر تے 10 وجے توں 1 بجے تئیں کر ڈتے گن ۔ پاکستان کسٹم وی بوک نظام دے ذریعے تجارت اتے تجارتی آسانی ورگا درآمد برآمد اتے ٹرانزٹ ٹریڈ کو ںفروغ ڈیندا پئے۔ ایہ نظام 24 گھنٹے دستیاب ہے جیندی مدد نال آن لائن طریقے نال ٹیکسز اتے ڈیوٹیز پراسیس کیتیاں ویندن ۔ انہاں سارے اقدامات نال تاجر حضرات کوں کسٹم دفتراں اچ پہلے آلی کار ول ول آونڑ دی ضرورت محسوس نئیں تھیندی۔
