اسلام آباد ۔ 21 مئی (اے پی پی) وزیراعظم عمران خان امید ظاہر کیتی ہے جو جاری رمضان شریف دے مہینے اچ عوام کینسر دے غریب مریضاں دے علاج سانگے شوکت خانم میموریل ٹرسٹ ہسپتال کو ں کھلے دل نال عطیات ڈیسن۔ منگل کو ں اپنڑے ہک ٹویٹ اچ وزیراعظم آکھیا جو ہنڑ شوکت خانم ہسپتال سانگے چیلنج بیا ودھ گئے کیونجو لہور دے بعد پشاور اچ وی غریب مریضاں دا شوکت خانم میموریل ٹرسٹ ہسپتال اچ علاج کیتا ویندے ۔ انہاں آکھیا جو کراچی اچ پاکستان دا تریجھا اتے سبھ توں وڈا شوکت خانم میموریل ٹرسٹ ہسپتال بنڑن سانگے کم جاری ہے ۔انہاں آکھیا جو امید ہے جو ایں رمضان اچ لوک دل کھول تے ہسپتال سانگے عطیات ڈیسن۔
