اسلام آباد ۔ 31 مئی (اے پی پی)وزیر مملکت پارلیمانی امور علی محمد خان آکھیے جو پاکستان اتے ایندے جھنڈے کوں نہ منے جیں دی وجہ توں ملک اچ افراتفری اتے فساد کھنڈے اونکوں اتھاں رہنڑ تے ایوان اچ بہنڑ دا کوئی حق حاصل کائنی، ایجھے شخص دی رکنیت منسوخ کیتی ویسی۔ جمعے کوں قومی اسمبلی اچ سوالاں دے وقفے دے دوران متحدہ مجلس عمل دے رکن جمال الدین آکھیے جو علی وزیر کوں ایوان اچ وضاحت کیتے گھن آیا ویسی تے ایں مسئلے افہام و تفہیم نال حل کیتا ونجے۔ ایں تے وزیر مملکت پارلیمانی امور علی محمد خان آکھیے جو ایں خطے اچ ڈو وڈیاں جنگاں لڑ چکن۔ ایں اتھاں غیر معمول حالات رہ گن ۔ اساں 30 توں 35 لکھ افغان مہاجرین کوں رکھیا ہویا اے ۔ پاکستان قربانی دی مثال قائم کیتی۔ افغانستان توں طاہر داوڑ دی لاش ملی اے۔ اساڈا سوال بنڑدے جو پاکستان دے پتر دی لاش اتھوں کیو ملی اے ولا انہاں لاش وزیر داخلہ دے حوالے کرنڑ دی بجائے منظور پشتین دے حوالے کرنڑ تے اصرار کیتے ۔
