خیبر پختونخوا اچ سرکاری ہسپتالاں اچ اصلاحات توں پچھو نہ ہٹسوں،کہیں توں بلیک میل نہ تھیسوں،وزیراعظم

APP46-18 PESHAWAR: May 18 - Prime Minister Imran Khan addressing at the fund-raising dinner of Shaukat Khanum Memorial Trust Hospital. APP

اسلام آباد ۔19مئی (اے پی پی) وزیر اعظم عمران خان آکھیے جو کہیں دی وی بلیک میلنگ اچ نہ آسوں،خیبر پختونخوا اچ سرکاری ہسپتالاں اچ اصلاحات توں پچھو نہ ہٹسوں،سرکاری ہسپتالاں دی نج کاری کرنڑد اکوئی پروگرام کائنی،سرکاری ہسپتالاں دا نظام وی شوکت خانم ہسپتال آلی کار معیاری اتے چنگاں بنڑاونڑ چاہندے ہیں۔اے گالھ انہاں شوکت خانم کینسرہسپتال پشاورکیتے فنڈریزنگ دی تقریب نال خطاب کریندے آکھی۔وزیر اعظم آکھیا جو شوکت خانم ہسپتال اچ75فیصد مریضاں دا مفت علاج تھیندے،اے جگ دا کلہا ہسپتال اے جتھاں اتنی وڈی تعداداچ مریضان دا علاج تھیندے،اے خطے دا جدید ترین کینسر ہسپتال اے جتھاں افغانستان توں وی مریض آندن،ہنڑ اتھاں ریڈیشن اتے سرجری دی وی سہولت ملسی،صوبائی حکومت صحت دے شعبے اچ جیہڑیاںاصلاحات گھدی آندی اے اوندے خلاف کجھ تھوڑے ڈاکٹر احتجاجی مظاہرے کریندے پین،اساں نجکاری نئیں ہسپتالاںدی منیجمنٹ ٹھیک کرنڑچاہندے ہیں۔وزیر اعظم وزیر اعلی محمود خان کوں ڈاکٹراں نال مذاکرات دی ہدایت کیتی اتے واضح کیتا جو ڈاکٹر جو کجھ وی کر گھنن،اصلاحات ضرور کریسوں،اساں کہیں توں بلیک میل تھیسوں نہ کہیں دباﺅ اچ آسوں۔