رمضان شریف اچ ملک دے کہیں حصے اچ سحر ی تے افطار ی ویلھا لوڈ شیڈنگ کائنی تھیندی پئی ، وفاقی وزیر عمر ایوب

اسلام آباد ۔ 13 مئی (اے پی پی)وفاقی وزیر توانائی عمر ایوب آکھیے جو رمضان شریف اچ ملک دے کہیں حصے اچ سحر ی تے افطار ی ویلھا لوڈ شیڈنگ کائنی تھیندی پئی۔ سنوار کوں پی ٹی آئی دے مرکزی میڈیا ڈیپارٹمنٹ ولوں جاری بیان مطابق انہاں آکھیا جو وزیراعظم دی ہدایت مطابق سحر ی تے افطار ی اچ بلاتعطل بجلی ڈتی ویندی پئی ہے۔ عمر ایوب آکھیاجو پچھلی حکومت توں سوال ہے جوایندے دور اچ رمضان شریف اچ کیوں لوڈ شیڈنگ تھیندی ہائی، عمران خان دی حکومت سسٹم کوںٹھیک کیتے ،چوری دے خلاف مہم چلائی۔ انہاں آکھیا جو بجلی چوراں دے خلاف 30 ہزار مقدمے درج کرائے، چار ہزار کو ںجیل بھیجیا گئے، اپنڑے ملازماں دے خلاف وی کارروائی کرتے نوکری توں کڈھ چھوڑے۔