اسلام آباد ۔ 6 مئی (اے پی پی) وزیراعظم دی معاون خصوصی اطلاعات تے نشریات ڈاکٹر فردوس عاشق اعوان آکھیا جو رمضان پیکج دے تحت ڈو ارب روپے دی سبسڈی سانگے گرانٹ جاری کر ڈتی گئی اے،پورے ملک اچ چار ہزار توں ودھ یوٹیلٹی سٹورز تے اٹا،کھنڈ،گھیو،تیل،دالیں،کھجی،چاول سمیت19شہیں مارکیٹ توں گھٹ ریٹ تے ملسن۔عہدیاں دی ونڈ نال ظاہر تھیندے جو مسلم لیگ(ن) ہک سیاسی جماعت کائنی اتے ہک پرائیویٹ کمپنی اے،آمریت دی چھاں تلوں پلنڑ آلے قوم کوں ڈسائے جو او پارٹی کوں جائیداد اتے میراث سمجھدن،اے جمہوریت دی نفی اتے جمہوریت نال کھلا مذاق اے،ملک دی اجوکی اوکھ دی دے ذمہ وار ماضی دے حکمران ہن ۔اے گالھیں انہاں سنوار کوں یوٹیلٹی سٹورز کارپوریشن آف پاکستان دے منیجنگ ڈائریکٹر عمر لودھی دے رلے پریس کانفرنس نال خطاب کریندیں ہوئیں آکھی۔ وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان ’ رمضان المبارک دے شروع تھیونڑ تے وزیراعظم عمران خان پاکستان دی حکومت ولوں پاکستان دی عوام اتے پورے عالم اسلام کوں مبارک باد ڈیندیں ہوئیں آکھیا جو ایں تقدس دے مہینے اچ ساری عبادتاں اچ ملک دی ترقی تے خوشحالی سانگے خصوصی دعائیں منگی ونجن۔
