ریاست اندھے متھاج لوکاں کوں سوکھ ڈیونڑ دی ذمہ داری نبھاونڑ کیتے چنگیاں پالیسیاں بنڑیسی، صدر مملکت ڈاکٹر عارف

اسلام آباد ۔ 30 مئی (اے پی پی) صدر مملکت ڈاکٹر عارف علوی آکھیے جو ریاست اندھے متھاج لوکاں کوں سوکھ ڈیونڑ دی ذمہ داری نبھاونڑ کیتے چنگیاں پالیسیاں بنڑیسی،ایں سانگے معذور افراد دے درست اعداد و شمارکٹھے کرنڑ دی لوڑھ اے۔او ایوان صدر اچ پاکستان ایسوسی ایشن آف دی بلائنڈ (پی اے بی) کراچی دے ہک وفد نال الویندے پئے ہن۔انہاں پی اے بی ولوں بصارت توں محروم لوکاں دا معیار زندگی اچا کرنڑ کیتے کوششاں دی تعریف کیتی اتے معزور لوکاں دی تعلیم و تربیت و بحالی اتے مخصوص کوٹہ تے عملدرآمد دی یقین دہانی کرائی۔انہاںا ٓکھیا جو پاکستان ایسوسی ایشن آف دی بلائنڈ بیت المال نال رابطہ رکھے۔