اسلام آباد ۔ 30مئی(اے پی پی) سوات چکدرہ 132 کے وی دی نویں ٹرانسمیشن لائن کوں قومی گرڈ نال منسلک کر ڈتا گے جیں نال علاقے اچ بجلی دی ترسیل کوں بہتر بنڑاونڑ اچ مدد ملسی ۔ وفاقی وزیر بجلی عمر ایوب خان خمیس کوں اتھاں ہک بیان اچ آکھیے جو اساں علاقے دے عوام نال کیتا اپنڑاں وعدہ پوراکر ڈتے، سوات توں چکدرہ132Kv دی نویں ٹرانسمیشن لائن قومی گرڈ نال منسلک تھی گئی اے جیں نال سوات اچ انشاءاللہ لوڈمنیجمنٹ دی ضرورت کائناں پوسی ۔انہاں آکھیے جو ہنڑ مردان گرڈ تے لوڈ گھٹ تھی گے تے ایندے نال ریونیو اچ ودھارا تھیسی جڈاں جو مستقبل اچ مردان گرڈ کیتے ریورس سپلائی وی مہیا تھیسی ۔
