اسلام آباد ۔ 7 مئی (اے پی پی) سونے دی قیمت اچ ہک ہزار روپے فی تولہ گھٹکی تھئی ہے ۔ آل پاکستان صرافہ ایسوسی ایشن ( اے پی ایس اے) حکام ڈسائے جو گزریل ہفتہ دے چھیکڑ تے 24 قیراط سونے دی قیمت 67 ہزار 800 روپے فی تولہ ہائی تاں جو جاری ہفتہ دے شروع تے ایندی قیمت اچ ہک ہزار روپے فی تولہ گھٹکی تھئی ہے،جیندی وجہ نال قیمت 66 ہزار 800 روپے تئیں گھٹ تھی گئی ہے۔ انہاں ڈسایا جو رمضان شریف دے شروع تھیونڑ تے عام طور تے سونے دی قیمت گھٹ ویندی ہے کیونجو رمضان توں پہلے سارے ملک اچ شادیاں داسیزن عروج تے ہوندے،جیندی وجہ نال سونے دی قیمت اچ ودھارا تھیندے ،تاں جو رمضان دے مہینے دے شروع تھیونڑ نال ہی ریٹ گھٹ ویندے۔
