لاہور۔25 مئی(اے پی پی )وفاقی وزیر ریلوے شیخ رشید احمد آکھیے جو آندہ سال عالمی سیاست اچ مسلیاں دا سال اے جیندے اچ پاکستان کوں محتاط رہنر دی لوڑھ اے،چیئرمین نیب دے خلاف پروپیگنڈا اپوزیشن دیاں چیکاں دا ثبوت اے،اپوزیشن تہوں چیئرمین نیب دا استعفیٰ منگدی پئی اے جو اگو تے کوئی چیئرمین بنڑے نہ انہاں دے خلاف کوئی احتساب تھیوے۔لاہور اچ پریس کانفرنس کریندے ہوئے شیخ رشید آکھیے جو بھارتی انتخابات اچ بی جے پی داکہیں وی مسلمان کوں سیٹ نہ ڈیونڑ ہک فلسفہ اے جیکوں پاکستان سودھا پورے جگ کوں سمجھنڑا ہوسی۔انہاں آکھیے جو ایندے توں وڈا کیا ظلم ہوسی جو لاڑکانہ اچ ہزاراں بال ایڈز وات آگین،ایندے تے صوبائی صوبائی وزیر صحت کوں مستعفی تھیونڑا چاہیدے۔انہاںا ٓکھیے جو میں شہباز شریف کوں آپ اینا ٓر او کیتے پندا ڈٹھے ،جیکر او سچے ہیں تاں ایندے پاکستان اچ مناون ،میں انہاں دے کٹھے عید نماز تے ویساں،ہنڑ شاہد خاقان عباسی دی پوری کوشش اے جو کوئی سمجھوتہ تھی ونجے، شاہد خاقان عباسی بہوں وڈا چیخا اے۔ انہاںا ٓکھیے جو آئی ایم ایف کولوں ونجنڑ کوئی نویں گالھ نئیں،پاکستان اچ مہانگ، بے روزگاری دا ذمہ وار گینگ آف فوراے، نواز شریف اتے آصف علی زرداری ہکو کجھ ہین۔انہاںا ٓکھیے جو سپریم کورٹ دے احکامات تے کے سی آردا 43اچوں 34 کلومیٹر ٹریک خالی کراگھدے،عید دی ڈینہہ سفر کرنڑ آلیاں کوں ٹرین داٹکٹ ادھی قیمت تے ملسی،تیکھے ادارے دی جامع رپورٹ پیش کرڈیسوں جیندے اچ اگیں کولو واضح چنگائی نظر آسی۔
