اسلام آباد ۔ 2 مئی (اے پی پی) سپیکر قومی اسمبلی پروانہ انصرام تے وراثت بل 2019ءمتعلقہ قائمہ کمیٹی دے سپرد کرڈتے۔ خمیس کوں قومی اسمبلی اجلاس اچ وفاقی وزیر قنون ڈاکٹر فروغ نسیم ایں بارے بل ایوان اچ پیش کیتا۔ بل دی تفصیل بیان کریندے ہوئیں انہاں آکھیا جو پہلے وراثت دا سرٹیفکیٹ حاصل کرنڑ سانگے سالاں لگ ویندے ہن‘ ہنڑ ایں بل دی منظوری دے بعد ایہ عمل 15 ڈینھ اچ مکمل تھیسی،جیں توں لوکیں فائدہ تھیسی۔ سپیکر بل قائمہ کمیٹی قنون تے انصاف کوں بھیج ڈتا۔
