اسلام آباد ۔ 27 مئی (اے پی پی) صدر مملکت ڈاکٹر عارف علوی آکھیا جو پاکستان اچ مقامی اتے بین الاقوامی سیاحاں کوں راغب کرنڑ سانگے متنوع ثقافت، منظر نامہ اتے مذہبی جہیں موجود ہن،نجی شعبے پاکستان اچ سیاحتی جہیں گولنڑ اتے ودھاونڑ سانگے مہمانداری دی صنعت اچ سرمایہ کاری کرے،ایں بارے پورا تعاون کیتا ویسی۔او سنوار کوں اتھاں ایوان صدر اچ مہمانداری دی صنعت سانگے کورسز بارے تھیونڑ آلے اجلاس نال خطاب کریندے پے ہن۔انہاں تربیت یافتہ افرادی قوت دی اہمیت تے زور ڈتا جیڑھی جو مہمانداری دی خدمات دی ودھدی ہوئی لوڑھ کوں پورا کرسگدی اے جئیں نال ملک دے سیاحت دے شعبے دی حقیقی صلاحیت توں فائدہ چاتا ونج سگدے۔صدرمملکت نیوٹیک اتے ہائرایجوکیشن کمیشن تے زور ڈتا جو ایمانداری بارے خدمات بارے نصاب بنڑاونڑ،آن لائن تربیتی کورسز دے نال نال اوندے معیار کوں بہتر کرنڑ بارے تجویزاں ڈتیاں ونجن۔ایں بارے صدرمملکت زور ڈتا جو ٹوورآپریٹرز تے گائیڈ ہوٹل منیجمنٹ اتے گیسٹ ہاﺅسز سانگے تربیتی کورس بنڑائے ونجن۔ اجلاس اچ چیئرمین ایچ ایس ای ڈاکٹر طارق بنوری، چیئرمین نیووٹیک سید جاوید حسن، سی ای او سیرینا ہوٹلز برائے جنوبی ایشیاءعزیز بولانی اتے چیف آپریٹنگ آفیسر ہاشو گروپ حسیب گردیزی وی شریک ہن۔
