اسلام آباد ۔ 13مئی(اے پی پی) وزیراعظم دے معاون انسداد پولیو بابر بن عطا آکھیے جو فیس بک، یوٹیوب اتے ٹویٹر پولیو ویکسین مخالف مواد ہٹا ڈتے، پولیو مخالف مواد دی وجہ توں ویکسین بارے نقلی پروپیگنڈہ کھنڈا تے والدین کوں گمراہ کیتا ویندا پیا ہئی، پاکستان ٹیلی کمیونیکیشن اتھارٹی (پی ٹی اے) سوشل میڈیا تے موجود مواددے لنکس دی نشاندہی کر تے فیس بک دے130،ٹویٹر دے14اتے یوٹیوب دے30 لنکس کوں ختم کر ڈتے۔ وزیراعظم دے معاون انسداد پولیو بابر بن عطا جاری بیان اچ آکھیے جو فیس بک اعلیٰ انتظامیہ توں تھیونڑ آلی ویڈیو کانفرنس اچ فیس بک انتظامیہ ایں گال دا یقین ڈیوائے جو پاکستان اچ جاری پولیو دے خلاف جنگ اچ او بھرپورکردار ادا کریسن۔انہاں آکھیا جو فیس بک قواعد و ضوابط دے مطابق مواد ہٹاونڑ شروع کر ڈتے۔حکومت فیس بک انتظامیہ دے ایں تعاون دی تعریف کریندی اے ۔ایمرجنسی آپریشن سنٹر اسلام آباد توں جاری بیان دے مطابق پاکستان پولیو پروگرام فیس بک انٹرنیشنل دے نال نقلی مواد دے خاتمے کیتے رابطے اچ رہسی ۔
