اسلام آباد ۔ 31 مئی (اے پی پی) وزیراعظم عمران خان ورلڈکپ اچ قومی کرکٹ ٹیم کوں مشورہ ڈتے جو 100 فیصد کارکردگی ڈیونڑ، چھیکڑی گیند تئیں لڑن اتے ہار دے خوف بارے سوچنڑ وی ناں۔ جمعہ کوں ٹوئٹر تے جاری اپنڑے ہک بیان اچ وزیراعظم عمران خان آکھیا جو اج میڈا پاکستان ٹیم سانگے اوہو مشورہ ہے جیرھا جو میںاپنڑے کھلاڑیاں کوں میچ توں پہلے ڈیندا ہم۔ انہاں آکھیا جوکھلاڑی 100 فیصد کارکردگی پیش کرنڑ، چھیکڑی گیند تئیں لڑن۔ وزیراعظم آکھیاجو ہارن دا خوف حکمت عملی اتے کھیڈ کوں متاثر کریسی۔ انہاں آکھیا جو پاکستانیاں دی دعائیں اتے حمایت کپتان سرفراز اتے قومی ٹیم دے نال ہن۔
