اسلام آباد ۔ 30 مئی (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو موروثی سیاست دے علمبرداراں میثاق ءجمہوریت دے ناں تے اپنڑیاں اولاداں تئیں دیاں واریاں دی پلاننگ کیتی ہوئی ہئی،پاکستان دے عوام انہاں دے جعلی مینڈیٹ دے خلاف عمران خان کوں حقیقی مینڈیٹ ڈے تے انہاں دا منصوبہ ناکام کیتے۔ہک ٹویٹ اچ ڈاکٹر فردوس عاشق اعوان آکھیے جو ماضی دے حکمراناں دا قوم تے سٹیا ہویا بھار لہاونڑ دی کوشش کریندے پئے ہیں،حکومت دے اوکھے فیصلیاں پاروں معیشت چنگائی دو ویندی پئی اے، مالی سال 2019ءاچ ریکارڈ تعداد اچ قرض دی ادائیگیاں دے نال نال تجارتی خسارہ 8 فیصد گھٹ تھئے جڈاں جو ترسیلات زراچ 9 فیصد ودھارا تھئے،موروثی سیاست دے علمبرداراں کوں تکلیف اے جو عمران خان پاکستانیاں کوں ڈو ٹبراں دے آمرانہ راج توںا ٓزاد کیوں کرائے؟
