مشیر خزانہ ڈاکٹرعبدالحفیظ شیخ دی صدارت اچ وفاقی کابینہ دی اقتصادی رابطہ کمیٹی دا اجلاس

اسلام آباد ۔ 15مئی (اے پی پی) کابینہ کی اقتصادی رابطہ کمیٹی دا اجلاس بدھ کو ںوزیراعظم دے مشیر خزانہ، محصولات تے اقتصادی امور ڈاکٹرعبدالحفیظ شیخ دی صدارت اچ تھیا۔وفاقی کابینہ دی اقتصادی رابطہ کمیٹی قومی گرڈ توں کے الیکٹرک کو ں150 میگاواٹ ودھ بجلی ڈیونڑ ، سابق فاٹا دے 7 قبائلی ضلعیاں کوں ودھ بجلی ڈیونڑ سانگے ٹیسکو کوں 1.8 ارب روپے دی زرتلافی ڈیونڑ اتے مالی سال 2018-19 ءسانگے 5.15 ملین ٹن کنڑک خریدکرنڑ دی تجویزاں دی منظوری ڈے ڈتی ہے۔ اجلاس اچ مختلف ڈویژناں ولوں تجویزاں اتے سفارشاں تے گالھ مہاڑ وی تھئی۔ اقتصادی رابطہ کمیٹی کراچی اچ بجلی دی گھٹکی تے قابوپاونڑ سانگے قومی گرڈ توں کے الیکٹرک کو ں150 میگاواٹ ودھ بجلی ڈیونڑ دی پاورڈویژن دی تجویز دی منظوری ڈتی۔ سابق فاٹا دے 7 قبائلی ضلعیاں کوں رمضان شریف اچ ودھ بجلی ڈیونڑ سانگے ٹرائیبل الیکٹرک سپلائی کمپنی (ٹیسکو) کوں 1.8 ارب روپے دی زرتلافی ڈیونڑ دی منظوری ڈتی۔ کمیٹی سعودی فنڈ ترقی گرانٹ تحت مختلف منصوبیں دی تعمیر تے ٹیکس چھوٹ ڈیونڑ توں متعلق تعمیرنوتے بحالی اتھارٹی دی تجویز منظور کر گھدی۔ سیکرٹری نیشنل فوڈ سیکیورٹی تے ریسرچ کمیٹی کوں ملک اچ کنڑک دے موجودہ سٹاک دے حوالے نال بریفنگ ڈتی۔ کمیٹی مالی سال 2018-19 ءسانگے 158.5 ارب روپے مالیت دے 5.15 ملین ٹن کنڑک خرید کرنڑ دی تجویز دی وی منظوری ڈتی۔وزارت سمندی اموردی تجویز تے کمیٹی غیرمنافع بخش فلاحی اداریاں ولوں ضرورت منداں اتے مستحق لوکیںسانگے کم کرنڑ آلے اداریاں سانگے چاول دے کنسائنمنٹس کوں سٹوریج خرچ توں مستثنیٰ آکھنڑ دی تجویز دی منظوری وی ڈتی۔ اقتصادی رابطہ کمیٹی مختلف وزارتاں اتے ڈویژناں سانگے تکنیکی ضمنی اتے ضمنی گرانٹس دی منظوری وی ڈتی