لاہور۔4 مئی(اے پی پی )وزیر اعظم دے مشیر برائے تجارت’ ٹیکسٹائل’ پیداوار و سرمایہ کاری عبدالرزاق داﺅدآکھیے جو چین اتے پاکستان آزاد تجارتی معاہدہ ہک چنگاں موقع اے جیندے توں پورا فیدہ چاتا ویسی،برآمدات اچ ودھارا صنعتی ترقی کیتے ناگزیر اے،ساڈیاں صنعتاں بہتری دو ویندیاں پین اتے ساکوں اپنڑی مصنوعات دی رینج ودھاونڑ دی وی لوڑھ اے،ایں سانگے ہک مربوط صنعتی پالیسی بنڑدی پئی اے جیندے نال پاکستانی مصنوعات عالمی منڈیاں اچ اپنڑی جاہ اتے سنجانڑ بنڑا سگسن۔اے گالھ انہاں وزارت صنعت و تجارت اتے ٹریڈ ڈویلپمنٹ اتھارٹی پاکستان(ٹڈیپ)ولوں پاک’ چین آزاد تجارتی معاہدہ ، تجارتی مواقعے بارے سیمینارنال خطاب کریندے آکھی۔انہاںا ٓکھیا جو اوجولائی اچ جاپان دا دورہ کریسن جتھاں او پاکستانی مصنوعات دی جاپانی منڈیاں تئیں رسائی تے الویسن،ایندے نال کوریا دیاں منڈیاں تئیں پجنر دی وی کوشش کیتی ویندی پئی اے۔انہاںا ٓکھیے جو مہانگ صرف پاکستان دا نئیں پورے جگ دا وڈا مسلہ اے،مہانگ کون روکنڑ کیتے ہر کہیں کوں رل تے کم کرنڑاں ہوسی۔
