ملک دیاں مختلف جہیں تے اج مینھ وسنڑ دا امکان اے

لاہور۔14 مئی(اے پی پی ) محکمہ مو سمےا ت دے مطابق لاہورسمےت پنجاب دے مختلف علاقیں اچ اج بدھ توں ہفتے تئیں کہیں کہیں جاہ تے اندھاری گھلنڑ تے کھمنڑ نال مینھ وسنڑ دا امکان اے جڈاں جو ملک دے بئے علاقیں خیبرپختونخوا، اسلام آباد، بلوچستان، اتلے سندھ،گلگت بلتستان، کشمیر، مکران، قلات، ژوب اتے ڈی جی خان ڈویژن اچ بدھ توں خمیس تئیں کجھ جہیں تے ودھ سارا مینھ وسنڑ دا امکان اے ۔محکمہ موسمیات دے مطابق خمیس توں جمعے تئیں سندھ ، مکران دے ساحلی علاقیں اتے کراچی اچ موسم جھڑ آلی رہسی دے نال نال اندھاری وی گھلسی تے کنڑ منڑ دا امکان اے ۔ایں دوران ملک دیاں مختلف جہیں تے ڈینھ دے درجہ حرارت اچ معمول توں 04 توں06ڈگری کمی دی پیشگوئی کیتی گئی اے ۔ محکمہ موسمیات دے مطابق منگل کوں ملک دے بہوں سارے علاقیں اچ موسم گرم رہیا جنوبی پنجاب اتے سندھ اچ ودھ سارا گرم رہیا ۔گزریل ڈینھ ریکارڈ کیتے گے درجہ حرارت دی رپورٹ دے مطابق جیکب آباد،شہید بینظرآباد، دادو، لاڑکانہ 45، پڈعیدن اتے موہنجوداڑو 44 ڈگری سینٹی گریڈ ریکارڈ کیتا گیا،جڈاں جو صوبائی دارالحکومت لاہور اچ 38 ،فیصل آباد38 ،ملتان اتے سرگودھا 41، اسلام آباد35، کراچی36، پشاور37 اتے کوئٹہ 32اچ سینٹی گریڈ ریکارڈ کیتا گے ۔