اسلام آباد ۔ 25 مئی (اے پی پی)وفاقی وزیر منصوبہ بندی ،ترقی و اصلاحات خسرو بختیار آکھیے جو نویں مالی سال کیتے وفاق اتے صوبیاں دا مجموعی ترقیاتی بجٹ 1837ارب روپے رکھیا ویسی، گوادر کوں بجلی دے قومی گرڈنال جوڑیا ویندا پئے،بلوچستان دی ترقی حکومت دی ترجیح اے۔وفاقی وزرا اتے وزیراعظم دے معاونین خصوصی برائے خزانہ واطلاعات دے رلے پریس کانفرنس کریندے ہوئے وفاقی وزیر ترقی و اصلاحات خسرو بختیار آکھیے جو آندے مالی سال سرکاری شعبے دے ترقیاتی پروگرام دا حجم 925 ارب روپے ، صوبیاں اتے وفاق دا آندے مالی سال دا قومی ترقیاتی پروگرام 1837 ارب روپے دا ہوسی،250 ارب روپے دے انفراسٹرکچر منصوبے پبلک پرائیویٹ پارٹنرشپ اتے بی اوٹی دی بنیادتے مکمل تھیسن،آندے سال جی ڈی پی دی ودھوتری دا ہدف 4 فیصد رکھیا گئے،زراعت دا بجٹ پندرہاں توں ویہی فیصد ودھ ہوسی،آندے سال پی ایس ڈی پی اچ علاقائی مساوی ترقی تے توجہ ڈتی ویسی۔
