اسلام آباد ۔ 16 مئی (اے پی پی) وزیر مملکت موسمیاتی تبدیلی زرتاج گل وزیر آکھیے جو قومی احتساب بیورو (نیب) ملک اچ آزادی نال کم کریندا پئے۔ ہک نجی نیوز چینل نال گالھ مہاڑ کریندے ہوئیں انہاں آکھیا جوپاکستان پیپلزپارٹی اتے پاکستان مسلم لیگ (ن)دی سابقہ حکومتاں مختلف قومی اداریاں اچ مداخلت کیتی تاں جوموجودہ حکومت قنون دی بالادستی تے یقین رکھیندی ہے اتے بلاامتیاز ہر کہیںدا احتساب کرنڑ چاہندی ہے۔ انہاں آکھیا جو حکومت قومی معیشت کو ںمضبوط بناونڑ سانگے کوشش کر یندی پئی ہے اتے ایں سانگے اقدامات وی کیتے ویندے پن ۔ زرتاج گل دا آکھنڑ ہا جو مسلم لیگ (ن) اتے پیپلز پارٹی دونوں وگڑی ہوئی ملکی معیشت دی ذمہ دار ہن،کیونجو انہاں پی ٹی آئی حکومت سانگے قرضیاں دا بھار چھوڑے۔ ہک سوال دے جواب اچ انہاں آکھیا جو امیر مقیم دے پتر دے مقدمے دا حکومت نال کوئی تعلق کائنی ہے۔ انہاں آکھیا جو خیبر پختونخواہ دی صوبائی حکومت بس ریپڈ ٹرانزٹ (بی آر ٹی) دے منصوبے تے کوئی سبسڈی نی ڈیندی پئی کیونجو ایشیائی ترقیاتی بینک (ای ڈی بی) ولوں ایں منصوبہ دی فنڈنگ اتے نگرانی کیتی گئی ہے۔
