پشاور ۔ 2 مئی (اے پی پی) وزیراعظم عمران خان خمیس کوں ضلع خیبر دی وادی تیراہ دا دورہ کیتا، دورے دے دوران وزیر اعظم تیراہ اچ جاری سپورٹس گالا ” باغ امن میلے“ اچ بطور مہمان خصوصی شرکت کیتی ۔ وزیراعظم جڈاں میلے اچ پجے تاں لوکاں انہاں دا پر جوش استقبال کیتا ۔ایں موقع تے پاکستان زندہ باد، عمران خان زندہ باد اتے پی ٹی آئی زندہ باد دے فلک شگاف نعرے لاتے گے ، قومی گاونڑ دی آواز اچ وزیراعظم گرمجوشی نال ہتھ ہلاتے انہاں دے نعریں دا جواب ڈتا ۔بعد اچ فرنٹیئر کور دے چاق و چوبند دستے انہاں کوں سلامی ڈتی جڈاں جو پرجوش نینگراں دے روایتی رقص دے نال نال میلے اچ شریک لوکاں ولوں رنگا رنگ ثقافتی شو پیش کیتا گیا ۔ وزیراعظم کوں سپورٹس گالا اچ کھیڈاں دے مقابلے دی تفصیل ڈسائی گئی تے مقابلے اچ کاکردگی ڈکھاونڑ آلے کھلاڑیاں نال وزیراعظم دا تعارف وی کرایا گیا۔ وزیراعظم سپورٹس مقابلیں اچ نمایاں کارکر دگی دا مظاہرہ کرنڑآلے کھلاڑیاں تے سپورٹس گالا دے منتظمین اچ انعام ونڈیے ۔
