اسلام آباد ۔ 31 مئی (اے پی پی)معاون خصوصی اطلاعات تے نشریات ڈاکٹر فردوس عاشق اعوان آکھیے جو وفاقی حکومت ولوں اشتہاراں دی مد اچ بقائے دی پہلی قسط 19کروڑ روپے جاری کر ڈتی، وزیراعظم ولوں ا یہ صحافیاں اتے میڈیا ورکراں سانگے عید تے تحفہ ہے ، میڈیا مالکاں توں ہک بیان حلفی گھندے پئے سہے جو ایں ادائیگی کوں صرف اتے صرف صحافیاں اتے میڈیا ورکراں دی تنخواہیںسانگے استعمال کیتا ویسی، مشورے اچ ایہ گالھ مکائی گی ہے جوبقایا ڈیونڑ حکومت دی ذمہ داری ہے۔انہاں آکھیا جو وزارت اطلاعات تے نشریات سارے سٹیک ہولڈرز دے مشورے نال ہک میڈیا پالیسی گھن تے آندی پی ہے، پالیسی اچ صحافیاں دی نوکریاں اتے جان دے تحفظ اتے صحت سمیت بی سہولتاں ملسن، وزیراعظم دی ہدایت تے پی آئی اے دے ذریعے 320 پاکستانیاں کوں ملائیشیا توں واپس گھن آئے ہسے، پہلی واری پی آئی اے دا جہاز خانداناں دی خدمت دی بجائے بئے ملک اچ پھسے ہوئے پاکستانیاں دی خدمت سانگے استعمال تھئے۔ انہاں آکھیا جو میڈیا مالکاں توں گزارش ہے جو اشتہاراں دی مارکیٹ اچ 12 توں 15 فیصد شیئر حکومت دا ہے جڈاں جو 80 توں 85 فیصد پرائیویٹ مارکیٹ اتے سیکٹر دا ہے، حکومت دی ریلیز میڈیا صنعت دے معاشی بحران کوں نبیڑن سانگے مدد کریسی، لیکن میڈیا صنعت کوں چاہیدے جو ا وہ پرائیویٹ شیئرز نال وی میڈیا ورکرز کوں تنخواہیں ڈیونڑ یقینی بنڑاون ۔ایںموقع تے چیک وصول کرنڑ آلے میڈیا مالکاں یقین ڈیوایا جو بقائے ملنڑ نال صحافیاں اتے میڈیا ورکرز کوں تنخوائیں ڈتیا ں ویسن۔
