اسلام آباد ۔ 7 مئی (اے پی پی)وفاقی کابینہ پاکستان دے سعودی عرب اچ افرادی قوت دا جائزہ گھنڑ اتے آذربائیجان نال زراعت دے شعبے اچ تعاون سانگے معاہدے،وزیراعظم دی کفایت شعاری اتے سادگی مہم دے تحت ساری وزارتاںاتے ڈویژناں سانگے مختص انٹرٹینمنٹ اتے گفٹ بجٹ دا خاتمہ،اقبال اکیڈمی سانگے بورڈ آف گورنرز ،کراچی ٹیکسیشن اینڈ اینٹی سمگلنگ جج دی تقرری اتے پاک چائنہ یونیورسٹی آف انجنیئرنگ بنڑاونڑ دی اصولی منظوری ڈے ڈتی اے۔ایں یونیورسٹی سانگے چین400ارب روپے دے فنڈز ڈیسی،ساری وزارتاں اتے ڈویژناں اچ مستقبل افسراں دی تعیناتی یقینی بنڑائی ونجے،رمضان المبارک اچ ذخیرہ اندوزی،مصنوعی بحران پیدا کرنڑ آلے مافیا اتے افسراں اچ شامل کالی بھیڈاں دے خلاف سخت ایکشن گھنڑ دی ہدایت کیتی اے۔ وزیراعظم عمران خان دی ہدایات تےپورے ملک اچ ماسوائے60فیڈرز دے 8763فیڈرز تے لوڈشیڈنگ کائنی تھیندی پی ،سحری اتے افطاری دے پنج پنج گھنٹے 100فیصد بجلی ڈتی ویندی پی اے،ڈیڈھ سال تئیں بجلی دے نرخاں اچ ودھارا کیتا ویسی،31دسمبر2020ءتئیں گردشی قرضے صفر تھی ویسن۔منگل کوں معاون خصوصی اطلاعات تے نشریات ڈاکٹر فردوس عاشق اعوان دی وفاقی وزیر عمر ایوب دے رلے وفاقی کابینہ اجلاس بارے پی آئی ڈی اچ بریفنگ ڈیندی پی ہن ۔انہاں آکھیا جو پنج مہینے اچ بجلی دی چوری رکنڑ اتے بقایا دی وصولیاں دی مد اچ 61ارب روپے دی ودھیکی رقم وصول کیتی گئی اے،ملک اچ توانائی دی لوڑھ کوں پورا کرنڑ سانگے ملکی تاریخ اچ پہلی واری آندے 25سال سانگے طلب تے رسد دا پلان بنڑا گھدا گئے ،وزارت تعلیم مدسریاں کوں رجسٹرکریسی،وزارت تعلیم مدارس اچ تکنیکی تعلیم اتے مالی وسائل ڈیونڑ اچ تعاون کریسی،پاکستان سٹیل ملز کوں ولا فعا ل کرنڑ سانگے پبلک پرائیویٹ پارٹنر شپ دے تحت چلایا ویسی۔
