وزیراعظم عمران خان دی مصر دے صدر عبدالفتح علی السیسی نال ملاقات ڈوطرفہ، علاقائی اتے بین الاقوامی اموراتے امت مسلمہ کوں درپیش مسئلیاں بارے گالھ مہاڑ کیتی

اسلام آباد ۔ 31 مئی (اے پی پی) وزیراعظم عمران خان 14 ویں اسلامی سربراہ کانفرنس دے موقع تے جمعہ کوں اتھاں مصر دے صدر عبدالفتح علی السیسی نال ملاقات کیتی۔ وزیراعظم آفس دے میڈیا ونگ ولوں جاری بیان مطابق ڈوہائیں رہنماواں ودھ سارے ڈوطرفہ، علاقائی اتے بین الاقوامی امور سمیت مسلم امہ کوں درپیش مسئلیاں تے وی گالھ مہاڑکیتی۔ ڈوہائیں رہنماواں سارے شعبیں اچ تعاون ودھاونڑ اتے ڈوطرفہ سیاسی رابطیاں اتے تبادلیاں اچ ودھارے تے وی اتفاق کیتا۔