اسلام آباد ۔ 17 مئی (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان روایتی سیاستداناں وانگوں قلیل مدتی پالیسیاں دی بجائے ہک حقیقی لیڈر دی حیثیت نال ملک تے قوم دے ودھ سارے مفاد اچ لمبی مدت دیاں پالیسیاں تے عمل کریندے پن ، اداریں اچ اصلاحات، معیشت دا استحکام تے معاشرے دے کمزور طبقے دی بہبود کوں پہلی ترجیح حاصل اے ،اپوزیشن محاذ آرائی دی سیاست دی بجائے اہم قومی امور تے حکومت نال رل تے کم کرے ،8 مہینے دی حکومت توں 70سال دا حساب نی گھدا ونج سگدا ،وزیراعظم عمران خان کوں قومی مفاد زیادہ عزیز اے ،ڈالر دی قیمت دی لہر چڑھ تے سائنسدان بنڑ تے تبصرہ کڑنڑ آلیں ہی حقیقت اچ عوام دا خون چوس تے ملک کوں 21ہزار ارب دے قرض گھن تے ملکی معیشت کوں لہو لہان کر ڈتے ۔اے پی پی پاکستان دا مثبت تشخص اجاگر کرنڑکیتے ہر جاہ تے پاکستانی دا مقدمہ لرڈی اے ،صحافیاں اتے میڈیا ورکرز کوں انصاف صحت کارڈ اتے نواں پاکستان ہاﺅسنگ سکیم اچ شراکتدار بنڑایا ویسی ، ایندا آغاز اے پی پی توں کیتا ویسی۔او جمعے کوں قومی خبر رساں ادارے ایسوسی ایٹڈ پریس آف پاکستان (اے پی پی )دے دورے دے موقع تے خطاب کریندیاں پیاں ہن۔سیکرٹری وزارت اطلاعات و نشریات شفقت جلیل ،ایم ڈی اے پی پی طارق محمود خان ،ڈائریکٹر نیوز شفیق قریشی،اے پی پی ایمپلائز یونین دے صدر شہزاد علی اکبر سمیت اے پی پی ملازماں دی بہوں ساری تعداد ایں موقع تے موجود ہئی ،ڈاکٹر عاشق فردوس اعوان دی اے پی پی آمد تے اے پی پی دے ملازماں انہاں دا پرتپاک استقبال کیتا ۔وزیراعظم دی معاون خصوصی ڈاکٹر فردوس عاشق اعوان آکھیے جو وزارت اطلاعات و نشریات دا چارج سنبھالنڑدے بعد وزیراعظم عمران خان دی ہدایات تے اداریں اچ اصلاحات کوں پہلی ترجیح دے طور تے گھندے پیوں ،ایہو ہی وزیراعظم عمران خان دے وژن تے اصلاحات دے ایجنڈے دا حصہ اے ،اے نظریہ ،روڈمیپ اتے سوچ گھن تے اے پی پی دے خصوصی دورے تے آئی آں۔انہاں آکھیا ساریں کیتے ہک پیغام اے جو اے پی پی کہیں جماعت یا مخصوص شخصیت دی کائنی بلکہ پاکستان دا ادارہ اے ،اے پی پی دا حکومتی رشتے توں ودھ تے پاکستان نال مضبوط رشتہ اے،پاکستان کوں ساریں توں ودھ ایں ادارے دی ضرورت اے ،دنیا اچ پاکستان دا جیرھا منفی چہرہ تے تاثر کوں مثبت تشخص اچ بدالنڑ کیتے اے پی پی اپنڑیاں ذمے واریاں اداکریندی پئی اے ۔انہاں آکھیا جووزیراعظم دا پیغام اے جو اے پی پی کوں ہک رول ماڈل بنڑاﺅ ، اے پی پی کوں ہک مثالی ادارہ بنڑاونڑ چاہندوں ،چاہندوں جو سارے پرائیویٹ چینلز اے پی پی کوں رول ماڈل بنڑاون۔انہاں آکھیا جو اداریں کوں سیاست توں پاک کرنڑ ہک وڈا چیلنج اے ،اداریں اچ بہنڑ آلے لوک میرٹ دی بجائے سفارش تے آندن و ادارے دا وقار ،تشخص اتے کردار مجروح کریندن ۔انہاں آکھیا اے پی پی کوں ورکرز دی طاقت نال فعال ادارہ بنڑاونڑاں اے ،دنیا دیاں ساریاں نیوز ایجنسز دا مقابلہ کرنڑ کیتے ایں سطح تے گھن تے ونجنڑاں اے تاں جو بین الاقوامی نیوز ایجنسز اے پی پی دی خبر کوں دنیادے سامنڑے رکھن کیوں جو اے پی پی حکومت اتے پاکستان دا ترجمان اے ۔انہاںآکھیا اے پی پی اچ یونین اتے انتظامیہ اچ جیرھی رسہ کشی ہئی اینکوں مکاونڑ کیتے اپنڑاں کردار ادا کریندے ہوئیں یونین دے سارے جائز مطالبات من گھدے گن ۔انہاں آکھیا کہیں وی تحریک اچ قیادت اہم کردار ادا کریندی اے ،عمران خان جیویں ہر جاہ تے ملک دے پسے ہوئے طبقات دی نمائندگی کریندن ایں طرح دی کوئی مثال نی ملدی۔70سال اچ کئی وزیراعظم آئین تے چلے گن لیکن عمران خان جیہوجا وزیراعظم روایتی سیاستدان بنڑنڑ دی بجائے عوامی قائد بنڑ تے لمبی مدت دیاں پالیسیاں تے کم کریندے پن ۔انہاں آکھیا جو موجودہ حکومت وی ڈالر دے معاملے تے اسحاق ڈار آلی مصنوعی پالیسی اپنا سگدی اے لیکن حکومت ایجھا نی کیتا بلکہ مسلیں کوں مستقل بنیاد تے حل کرنڑ کوں ترجیح ڈتی ۔انہاں آکھیا جو حکومت میڈیا نال جڑیے سارے مسلیں تے مشکلات توں آگاہ اے ،میڈیا ورکرز دی بے چینی دے اثرات ساری جاہ تے نظر آندن اینکوں سامنڑے رکھیندے ہوئیں فیصلہ کیتا گے جو میڈیا ورکرز کوں صحت نصاف کارڈ دا حصہ بنڑایا ویسی ،وزیراعظم ہاوسنگ سکیم اچ میڈیا ورکرز کوں وی حصہ بنڑیندے پیوں ،سارے پریس کلبز اتے اداریں توں میڈیا ورکرز دیاں فہرستاں گھندے پیوں ،میڈیا ورکرز دی فلاح و بہبود کیتے ہر جاہ تے مشورے کریندے پیوں ،پریس کلبز ، اے پی این ایس اتے سی پی این ای اساڈے شراکت دار ہوسن ،اے پی پی یونین دے ذریعے میڈیا ورکرز دے مفادات دا تحفظ کریسوں ۔انہاں آکھیا ورکرز دے مطالبات منڑ کیتے ایم ڈی اے پی پی کوں ذمے واری ڈے ڈتی اے ،سارے ورکراں توں بہتر کارکردگی دے طلب گار ہوں ۔انہاں آکھیا اپنڑی سیاست کوں عوامی فلاح و بہبود دا محور بنڑا تے ملک کوں ترقی یافتہ بنڑاونڑ کیتے اپنڑاں کردار ادا کرو،حکومت تساڈے جذبے کوں ہر جاہ تے تحفظ ڈیسی ۔انہاں آکھیا سارے شعبیں اچ تریمتاں کوں برابر دا حق ڈیونڑ اساڈی ذمے واری اے ،تریمتاں کوں اگی تے موقع ڈے تے انہاں دی صلاحیت توں فائدہ چاتا ونج سگدے ۔تریمتاں اقتصادی شراکت دار ہن انہاں دا کردار اہمیت رکھیندے ۔بعد اچ وزیراعظم دی معاون خصوصی اطلاعات ونشریات ڈاکٹر فردوس عاشق اعوان دی زیر صدارت اے پی پی دے کانفرنس روم اچ اجلاس منعقد تھیا جیں اچ سیکرٹری اطلاعات شفقت جلیل ،ایم ڈی اے پی پی طارق محمود خان ،اے پی پی یونین دے عہدیداران شریک تھئے ۔ڈاکٹر فردوس عاشق اعوان شرکاءکوں ڈسایا جو اے پی پی اچ نویں ایم ڈی دی تعیناتی تھی گئی اے تے انہاں کوں خصوصی ٹاسک ڈے ڈتا گے او یونین نال بہہ تے معاملات کوں نبیڑن ،اے پی پی ملازماں دا سی پی فنڈ آلا مراسلہ واپس گھن گھدا گے ،10فیصد ایڈہاک الاﺅنس 30جون تئیں تنخواہ اچ شامل تھی ویسی ،نویں ایم ڈی کوں اے وی ہدایت ڈتی گئی اے جو اے پی پی ملازماں دی ترقی کیتے ڈی پی سی ہک مہینے دے اندر اندر سڈن تے میرٹ تے ملازماں کوں ترقیاں ڈیون ۔انہاں آکھیا جو اے پی پی ملازماں دے گزریل سالاں دے بقایا جات دی ادائیگی کیتے ضمنی گرانٹ کیتے سمری وزیراعظم کوں بھجوائی ویسی ،اساڈی کوشش ہوسی جو اے پی پی ملازمین کوں عیدالفطر توں پہلے خوشخبری ڈیوں ۔انہاں آکھیا جو اے پی پی دے کنٹریکٹ ملازماں کوں مستقل کرنڑکیتے سمری بھجوائی گئی اے ایندے اچ آندیاں رکاوٹاں مکایاں ویسن ۔وزیراعظم دی معاون خصوصی ڈاکٹر فردوس عاشق اعوان آکھیا جو اے پی پی ملازماں دے فنانشل اتے سروس رولز دا مسودہ مشاورت اتے اتفاق رائے نال بنڑایا ویسی تاں جو سارے سٹیک ہولڈرز کوں قابل قبول ہووے۔انہاں اے پی پی وی این سروس کوں بحال کرنڑ دے نال نال انتظامیہ کوں ڈیجٹلائزیشن کیتے اقدامات تکھے کرنڑ دی ہدایت کیتی ۔انہاں ایم ڈی اے پی پی کوں ہدایت ڈتی جو اے پی پی ایمپلائز یونین دے عہدیداران دے خلاف ماسوائے مالی امور یا کارکردگی دے ساریاں انکوائریاں اتے مقدمیں واپس گھدے ونجن ۔
