مدینہ منورہ ۔ 30 مئی (اے پی پی) وزیراعظم عمران خان سعودی عرب دے ترائے ڈینھ دے دورے تے خمیس کوں مدینہ شریف پج گن ۔ وزیراعظم سوہنڑے نبی رسول دے روضہ تے حاضری اتے مسجد نبوی اچ نفل پڑھن دے بعد جدہ سانگے روانہ تھی ویسن۔ وزیراعظم مکہ مکرمہ اچ 14 ویں اسلامی سربراہ کانفرنس اچ پاکستان دی نمائندگی کریسن۔ اجلاس کل 31 مئی کوں خادم الحرمین الشریفین شاہ سلمان بن عبدالعزیز السعود دی میزبانی اچ تھیسی۔ ایں سال اسلامی سربراہی کانفرنس دا موضوع ”مکہ مکرمہ اجلاس: مستقبل آلے پاسے اگی تے ودھنڑ“ ہے۔ ایہ اجلاس امت مسلمہ کو ںدرپیش مسئلیاں اتے چیلنجز تے ہکو جیاموقف رکھنڑ اتے ایں تے اتفاق کرنڑ سانگے تھیندا پئے۔
