اسلام آباد ۔ 8 مئی (اے پی پی) وزیراعظم عمران خان آکھیا جو نینگرملک دے مسئلےاں بارے جانڑدن،نینگراں دی بھرپور شرکت دے بغیر ترقی دا عمل ادھورا رہ ویسی۔اے گالھ انہاں بدھ کوں محمد علی نیکوکارہ دی قیادت اچ ہاورڈ کلب آف پاکستان دے وفد دی ملاقات کریندیں ہوئیں آکھی۔وفد اچ نادیہ ناویوالہ، کامران کمال، عفنان کریم کنڈی، پیر سعد احسن الدین اتے آفتاب حیدر شامل ہن۔سینیٹر فیصل جاوید وی ملاقات اچ موجود ہن۔وفد وزیراعظم کوں ملکی معیشت دی بہتری،فوجداری مقدمیاں بارے انصاف دے طریقہ کار،توانائی دے شعبے، ذرائع رسل و رسائل (لاجسٹکس) دی بہتری، نظام تعلیم اچ اصلاحات، ملکی قومی تشخص کوں اجاگر کرنڑ،ملکی سیاحت کوں عالمی سطح تے شناس ڈیونڑ جیہے اہم معاملیاں تے وزیراعظم کوں اپنڑی تجویز پیش کیتی۔وزیراعظم وفد دی سفارشات دی تعریف کریندیں ہوئیں آکھیا جو نینگر ملک دا حقیقی اثاثہ ہن۔
